لقيت بدربي انسانه
شوي وعينها تدمع
قلت شفيك زعلانه!
تنهيداتها .. تفجع
~
قالت :
ابي منك توديني
على عالم بدون احزان
ومافيني يكفيني
ولاتسألني عن ما كان!
~
جلست بجنبها ساكت
لعل الصمت .. يهدّيها
قالت كلمه ثم تاهت
وصاحت : تكفى عدّيها !
انا ماودي اتكلم
وقامت ترجف ايديها
انا لي في حكاياتي
قصص ل ناس ابكيها !
فقدت امي وبعدها ابوي
وروحي الله يقويها
احس اني بعدهم ضعت
حتى الضحكه .. الغيها !
انا مدري شسوي .. يا ربي!
ياليت امي تحييها
وتطبطب لي على قلبي
وكل همومي تمحيها
وافضفض لها عن الاحزان
من اولها ل تاليها !
بعد امي محد يسمع
محد روحي .. يداريها!
احس ب غصه في صدري
ابي احضنها رجليها !
واشم بلبسها .. عطري
وابوّس حتى .. صدغيها!
وان جيت و شفتها نامت
اركض بلحافي .. اغطيها !
"واسكت لين انفاسها تحكي"
وقلبي يتطمن .. عليها!
آآآه من حزن سكن فيني
وانا كل ليله ابكيها !
مافيني احكي عن ابوي
روحي فيها مايكفيها !
Kalam
